ការរាតត្បាតនៃជំងឺកូវីដ-១៩នៅមិនទាន់ចប់ទេ

លោកវេជ្ជបណ្ឌិត Mike Ryan នាយកប្រតិបត្តិផ្នែកសង្គ្រោះបន្ទាន់នៃអង្គការសុខភាពពិភពលោកបានព្រមានថាការរាតត្បាតនៃជំងឺកូវីដ-១៩នៅមិនទាន់ចប់ទេ ហើយសេវាសុខភាព និងបុគ្គលិកសុខាភិបាលត្រូវតែត្រៀមខ្លួនដើម្បីដោះស្រាយជាមួយនឹងការកើនឡើងវិញដ៏ខ្លាំងនៃការឆ្លងជំងឺកូវីដ-១៩, វីរុសវីដ-១៩ប្រភេទថ្មីៗប្រហែលជាមិនត្រូវបានរកឃើញទាន់ពេលវេលាទេ ដោយសារការឃ្លាំមើលកំពុងតែមានការធ្លាក់ចុះ។ យើងត្រូវពិចារណាជាមុនសិន មុននឹងយើងចាប់ផ្តើមជឿថាការរាតត្បាតនៃជំងឺកូវីដ-១៩ ឬភាពអាសន្ននេះត្រូវបានបញ្ចប់ហើយ។ នៅមានមនុស្សរាប់ពាន់លាននាក់មិនទាន់បានចាក់វ៉ាក់សាំងការពារជំងឺកូវីដ-១៩ ខណៈពេលដែលការធ្វើតេស្តរកជំងឺកូវីដ-១៩នៅក្នុងប្រទេសជាច្រើនបានត្រូវបានផ្អាក ហើយមានការលំបាកក្នុងការប្រើថ្នាំប្រឆាំងវីរុសដើម្បីព្យាបាល​អ្នកជំងឺកូវីដ-១៩។ មានការសន្និដ្ឋានដ៏គ្រោះថ្នាក់មួយដែលថាការរឹតបន្តឹងអាចត្រូវបានដាក់ឡើងវិញយ៉ាងឆាប់រហ័សក្នុងរដូវរងារនេះ...